【唔夠瞓點止有熊貓眼】

根據美國國家睡眠基金會資料顯示,身體喺唔夠瞓狀態下為咗保持清醒,會增加皮質醇分泌,但減少胰島素分泌,換言之血糖就會升高。

而長期唔夠瞓,身體需要更多能量維持日常活動,所以食慾會增加,仲會特別渴望吸收糖分同碳水化合物,但同時太攰會減低運動意慾,肥胖同三高風險又進一步增加。

調整屋企人嘅生活方式,盡量令大家維持每日運動至少30分鐘,久坐少於8個鐘,同埋瞓夠7至9個鐘。